Bitte wählen Sie ihr Lieferland und ihre Kundengruppe
Dit Leesbook is för Kinner un för grote Lü, för de School un för Tohuus. Bi 't Binannersöken van de Geschichten un Riemsels het Winkel besünners an de Minsken docht, de in en Streek wohnen, waar Platt woll goot verstahn, aber haast neet mehr proot word. Darum het he denn ook sükse Texten utwählt, de licht to lesen sünt. Sture plattdüütsche Mundaarten mussen d'r buten blieben. D'r sünt Vertellsels to finnen van plattdüütsche Dichters, de man lesen hebben "moot", as Groth un Reuter, un van minner beröhmde Schrievers. Of un an word d'r ook en bietje wat över de Schrievers vertellt. Winkel wull mit dit Bookje wiesen, wat för en besünners mooie Spraak dat Plattdüütsche is un wat för en arigen Slag Minsken de Lü sünt, de Platt proten. (IR)